Мемлекет басшысы «Келешек мектептері» ұлттық жобасы аясында тек білім беру инфрақұрылымымен шектелмей, оларды тиімді басқару жүйесі және сапалы мазмұнмен қамтамасыз ету қажеттілігін атап өткен. Қазір 183 мектепте оқу процесі ұйымдастырылған. Мұнда 218 мыңға жуық оқушы білім алуда, ал 17 мыңға жуық педагог еңбек етіп жүр. ҚР оқу-ағарту вице-министрі Шынар Ақпарова ОКҚ алаңында өткен баспасөз конференциясында осылай деді.