Мемлекет басшысы бекіткен мемлекеттік басқаруды дамытудың 2030 жылға дейінгі тұжырымдамасында мемлекеттік қызметшілердің этикалық нормаларын жетілдірмей халық сеніміне ие болу мүмкін еместігі ерекше атап өтіледі. Бұл туралы Орталық коммуникациялар қызметі алаңында өткен брифингте ҚР мемлекеттік қызмет істері агенттігі төрағасының орынбасары Дархан Жазықбаев мәлімдеді. Осы орайда қызметшіні «360 градус» бағалау кезінде оның әдеп деңгейі, айналасындағы адамдардың, атап айтқанда, басшысы мен бағынышты қызметкерінің, әріптестерінің анонимді бағалауы аса маңызды болады.