Аутизмі бар балаларға арналған 20 стационарлық бөлімшеде 500-ден артық төсек-орын дайындалады. Бірақ ауруханаға жатқызылған балалар санының 20%-ға төмендегені байқалады. Орталық коммуникациялар қызметінде өткен брифингте ҚР ДСМ ана мен бала денсаулығын қорғау департаменті директорының орынбасары Олжас Искаков жағдайды түсіндіріп өтті. Оның айтуынша, ауруханаға жатқызу көрсеткішінің азаюы әлеуметтік медициналық сараптама (ӘМС) ресімдеу кезінде тексеруге, балаларға арналған стационарды алмастыратын көмекті күшейтуге және жеке емдеу тәсіліне байланысты. Бұл ретте анықталатын пациенттер санының өсуі және контингенттің ұлғаюы ескерілген.