Оқу жылының басында барлық ұйымдар олимпиадалар мен конкурстарды өткізу туралы ережелерді, қатысу шарттарын, бағалау критерийлерін және оларды өткізу мерзімдерін алады. Бұл дарындылықты жүйелі дамытуға мүмкіндік береді. Барлық жарысқа қатысушылардың базасы мен олардың нәтижелері Ұлттық білім беру деректер қоры жүйесінде электрондық форматта қолжетімді болады. Бұл туралы Орталық коммуникациялар қызметінде өткен брифингте білім вице-министрі Шолпан Каринова мәлім етті.