Эпидемиологиялық жағдай матрицасына сәйкес, Қазақстан Республикасы 26 маусымнан бастап қызыл аймақта орналасқан. 14 шілдедегі жағдай бойынша елімізде COVID-19 оң нәтижесімен 466 792 науқас және КВИ– 58 086 жағдайы тіркелген. КВИ жұқтырған науқастардың 90%- дан астамы сауығып кетті, оның ішінде 418 228 науқаста КВИ+ және 53 мыңнан астамында КВИ– болған. Бұл туралы бүгін Орталық коммуникациялар қызметінде өткен брифингте Инфекциялық ауруларды эпидемиологиялық қадағалау басқармасының басшысы Роза Қожапова мәлімдеді.