Неліктен боксшылар Олимпиадада жақсы дайындықтарын көрсете алмады? Уақыт белдеуі мен климаттық жағдайлары бірдей Владивостокта дайындалса, акклиматизациядан өтсе, бұл жекпе-жектердің нәтижесіне жақсы әсерін тигізер ме еді? Орталық коммуникациялар қызметінде өткен брифингте жазылушылардың сұрақтары қойылды. Команданың бас бапкері Ғалымбек Кенжебаевтың айтуынша, ешқандай алғышарттар болмағанымен, оның өзі де осы сұрақты жиі қояды екен.