Қазақстанда құс тұмауы тіркелуде. Елімізде індеттің жойылмаған ошақтары қалды ма, әлде инфекция басқа жақтан келіп жатыр ма? Орталық коммуникациялар қызметінде өткен брифингте журналистер спикерлерге осындай сұрақ қойды. ҚР АШМ Ветеринариялық бақылау және қадағалау комитеті төрағасының м.а. Бауыржан Абызбаевтың айтуынша, Солтүстік Қазақстан және Ақмола облыстарында құс тұмауы тіркелді. Ресми ақпарат бойынша, дерт синатропты, жабайы құстардан жұққан.