Денсаулық сақтаудың маңызды факторларының бірі - салауатты өмір салты. Мемлекет басшысы биыл тамыз айында бұқаралық және балалар спорт түрлерімен айналысу үшін жағдай жасау қажеттігін атап өтті, бұл ұлтты сауықтыруға мүмкіндік береді. Ол үшін 2025 жылға дейін кезең-кезеңімен ШҚО жалпы білім беретін мектептерінде қосымша 3213 спорт секциясы ашылады. Бұл туралы Орталық коммуникациялар қызметінде өткен брифингте облыс әкімі Даниал Ахметов айтып берді.