Мемлекет басшысы жолдауында ең алдымен, азық-түлік тауарларының бағасын белгілеудің және оны бөліп-таратудың тиімсіз жүргізілуіне ерекше ден қойды. Маңғыстау облысында қажет тауарлардың 80% көрші елдерден импортталады. Өңір өзін-өзі 20% деңгейінде ғана қамтамасыз етіп отыр. Осыны ескере отырып, азық-түлік тауарлары бағасының себепсіз өсуіне жол бермеу үшін тұрақтандыру қоры жасалды, оған 2,3 млрд теңге, бөлінді. Бұл туралы Орталық коммуникациялар қызметінде өткен брифингте облыс басшысы Нұрлан Ноғай хабарлады.