2021 жылдың соңына дейін инвестиция көлемін 740 млрд теңгеге дейін жеткізіп, 14 жаңа өндіріс есебінен 2000 жуық тұрақты жұмыс орнын құру жоспарланған. Олардың жетеуі қазірдің өзінде іске қосылды. Бұл туралы Орталық коммуникациялар қызметі алаңында өткен брифингте Қарағанды облысының әкімі Жеңіс Қасымбек мәлімдеді. Оның айтуынша, облыс биыл 10 айдың қорытындысы бойынша жоспарларда белгіленген көрсеткіштерден озып келеді. Негізгі капиталда 607 млрд теңгеден астам қаражат бар, оның 73% – жеке инвестициялар.