Әлемдік тәжірибе көрсетіп отырғандай, полицияны трансформациялау жұмысын түрлі сервистік элементтерді тестілеуден, халық пен полицейлердің өзара қарым-қатынастардың жаңа форматына дайындығынан бастау керек. Осыған байланысты, Қазақстанда өзара толықтыратын екі пилоттық жоба қолға алынды. Олар туралы ҚР ІІМ Әкімшілік полиция комитеті төрағасының орынбасары Алексей Милюк Орталық коммуникациялар қызметі алаңында видеокадрларды көрсете отырып, толығырақ айтып берді. Пилоттық жобаларды іске асыруға халықаралық сарапшылар, ғылыми қоғамдастық, сондай-ақ әртүрлі салалардың жетекші мамандары тартылды.