2021 жылдың қорытындысы бойынша елімізде онкологиялық аурулармен сырқаттанушылық 10% - ға жуық өсіп, 100 мың тұрғынға шаққанда 190,3-ті құрады. Яғни, 36 мыңнан астам жаңа жағдай анықталды. Бұл 2020 жылмен салыстырғанда шамамен 4 мың жағдайға артық. Бұл өсімнің себептерін Орталық коммуникациялар қызметінде өткен брифингте ҚазҒЗИ онкология және радиология басқармасының төрайымы, ҚР ДСМ штаттан тыс бас онкологы, еліміздің онкологтар қауымдастығының президенті Диляра Қайдарова түсіндірді.