Интернет-алаяқтар қарапайым қазақстандықтарға 200 млн теңгеге зиян келтірді. Схема қарапайым. Өздерін банк немесе құқық қорғау органдарының қызметкерлері деп таныстырады. Абоненттік нөмірлерді ауыстыру бойынша сервистерді пайдаланады. Азаматтарды несие алуға немесе сақтап қалу үшін ақшаны «қауіпсіз» шотқа аударуға көндіреді. Содан кейін ұрланған ақша халықаралық аударым қызметтері арқылы алынады, криптовалютаға аударылады немесе шекарадан қолма-қол ақша түрінде өткізіледі. Бүгін Орталық коммуникациялар қызметінде ішкі істер министрі Марат Ахметжанов ақшаның «кету» жолдарын айтып берді.