Мемлекет басшысының құрылыс нарығын демонополизациялау жөніндегі тапсырмасын орындау шеңберінде бірқатар шаралар қабылданды. ҚР қаржы вице-министрі Дәурен Кеңбейілдің айтуынша, тапсырыс берушімен келісілмеген қосалқы мердігерлерді тартқан жағдайда мемлекеттік сатып алу туралы шартты бұзу үшін тапсырыс берушінің қосымша құқығы көзделген. Сондай-ақ көрсетілген қызметтер тәжірибесінің болуы бөлігінде конкурстық баға ұсынысына әсер ететін өлшемшартты есептеу 10 жылдан 5 жылға дейін төмендетілді.