Биыл әскери институттарға түсу үшін ҰБТ нәтижелеріне қойылатын талаптарға өзгерістер енгізілді: ең төменгі өту балы 50 болса, бейінді пәндерден бұрынғыдай 7 балл алу қажет. Бірақ оқу және жазу сауаттылығы 5-тен 3 балға дейін төмендеді, себебі биыл Ғылым және жоғары білім министрлігі математикалық сауаттылық және оқу мен жазу сауаттылығы бойынша сұрақтардың сандық көрсеткішін 20-дан 10-ға дейін төмендетті. Бұл туралы ОКҚ алаңында әскери білім және ғылым департаментінің бастығы Жұмабек Ахметов айтып берді.