Елімізде 2029 жылға дейін құрылыс материалдарын өндіру бойынша 170 жобаны пайдалануға беру жоспарда бар. Соның арқасында импортқа тәуелділікті азайту көзделген. Бұл жобаларды іске қосу отандық кәсіпорындардың үлесін 85%-ға дейін арттырып, санфаянс, еден жабындары, талшықты цемент панельдері мен плиталары, тұсқағаздар сияқты тауарларды өндіруді жолға қоюға мүмкіндік береді. Бұл жайлы ҚР ӨҚМ Өнеркәсіп комитеті төрағасының орынбасары Мұхамед Андаков ОКҚ алаңында айтты.