Мемлекеттік қызметшілердің құзыреттерін жаңартып, жетілдіруге ерекше назар аударылып отыр. Мемлекеттік аппаратты кәсібилендіру мақсатында Мемлекеттік басқару академиясының ЖОО-дан кейінгі білім беру бағдарламалары бойынша оқыту жүргізіледі. Дәріскер ретінде отандық сарапшылармен қатар, шетелдік жетекші сарапшылар жұмылдырылады. Мемлекеттік басқару және дипломатиялық қызмет мамандары тартылады. Биыл магистратура және докторантура бағдарламалары бойынша 134 мемлекеттік қызметші оқуды аяқтайды. ҚР Мемлекеттік қызмет істері агенттігі төрағасының орынбасары Азамат Жолманов ОКҚ алаңында осылай деді.