Қазақстанда Мемлекет басшысының бастамасымен былтырдан бері 24 қазан – Кітапханашылар күні деп бекітілген болатын. Биыл Мәдениет және ақпарат инистрі Аида Балаеваның тікелей бастамасымен аталмыш мереке «Руханият шамшырағы» атты шарамен салтанатты түрде аталып өтті. Оған республикамыздың облыс, аудан, ауылдарынан 200-ден астам кітапхана ісінің мамандары, ардагер кітапханашылар, сонымен қатар мемлекет және қоғам қайраткерлері, зиялы қауым өкілдері қатысты. Бұл туралы Орталық коммуникациялар қызметінің алаңындағы баспасөз мәслихатында ҚР Мәдениет және ақпарат министрлігінің Архив, құжаттама және кітап ісі комитетінің төрағасы Қуат Бораш хабарлады.