Су тасқыны салдарынан келтірілген материалдық шығындарды есептеу мақсатында әр ауданның жеке комиссиясы құрылып, бүгінге түскен 2018 өтініштің 1482-сі бойынша үйлерді аралап, тексеру жұмыстары жүргізілді. Төлемдер тәуелсіз тексерудің қорытындысынан кейін жүзеге асырылады. Сонымен қатар, су тасқыны салдарынан өмірлік қиын жағдайға тап болған отбасылардан бүгінгі күні 346 құжат қабылданып, 94 адамға 28 млн теңге көлемінде біржолғы әлеуметтік төлем жүргізілді. Бұл бағыттағы жұмыс жалғасын табуда. Бұл туралы Ақтөбе облысы әкімінің орынбасары Асылбек Есенбаев ОКҚ алаңында хабарлады.