Биыл мамыр айының басында Өнеркәсіп және құрылыс министрлігінің Ахуалдық орталығы іске қосылды. Бұл төтенше жағдайлар кезіндегі жедел міндеттерді орындауға арналған құрал. Ол орталық өңірлердегі су тасқынынан кейін тұрғын үйлерді қалпына келтіру жұмыстарын мониторингілеу және үйлестіру үшін құрылған. Еңбек және халықты әлеуметтік қорғау, Цифрлық даму, инновациялар және аэроғарыш өнеркәсібі министрліктерімен бірлесіп, келтірілген залал бойынша өтініштерді қабылдау жүйесі әзірленіп, қолданысқа берілді.