ҚР еңбек және халықты әлеуметтік қорғау бірінші вице-министрі Ақмәди Сарбасов ОКҚ алаңында өткен баспасөз конференциясында зиянды еңбек жағдайларында жұмыс істейтін қызметкерлердің әлеуметтік қорғалуын арттыру бойынша шараларды енгізу туралы айтты. Мемлекет басшысының тапсырмасы бойынша 2024 жылдың 1 қаңтарынан бастап зиянды еңбек жағдайларында ұзақ уақыт жұмыс істейтін адамдарға арнаулы әлеуметтік төлем төлеу басталды. Жалпы сомасы 1,7 млрд теңгеге тең көмекті 9,1 мыңнан астам адам алды.