15 наурызда Дүниежүзілік тұтынушылардың құқықтарын қорғау күні атап өтілді. Осы күнді мерекелеу аясында ҚР Сауда және интеграция министрлігі форум ұйымдастырып, осы тақырып аясында маңызды мәселелер қаралды. Бұл – тұтынушылардың құқықтарын қорғау саласындағы заңнамалық бастамалар, электрондық коммерция және белсенді цифрлық трансформация жағдайында тұтынушылардың құқықтарын қорғау, мемлекет, бизнес және қоғамдық ұйымдардың әділ және қауіпсіз тұтыну нарығын қалыптастырудағы рөлі. Бұл туралы Орталық коммуникациялар қызметінің алаңында ҚР СИМ Тұтынушылардың құқықтарын қорғау комитетінің төрағасы Асқар Тынысбеков мәлімдеді.