Энергия өндіру саласындағы Энергетикалық және коммуналдық секторларды жаңғырту жөніндегі ұлттық жоба шеңберінде жалпы қуаттылығы шамамен 7,3 ГВт болатын 29 жобаны енгізу жоспарда бар. Жаңа энергия объектілерін жаңғырту және салу саласына инвестициялар көлемі 6,3 трлн теңгеден асады. Бұл туралы ОКҚ алаңында өткен баспасөз конференциясында ҚР Энергетика министрлігінің Электр энергетикасын дамыту департаментінің директоры Асылжан Мусин мәлімдеді.